നോര്ത്ത് ഡബ്ലിനില് വെള്ളപ്പൊക്കം തുടരുന്നതിനിടെ കോര്ക്ക്, കെറി എന്നീ കൗണ്ടികളില് യെല്ലോ റെയിന് വാണിങ് പുറപ്പെടുവിച്ച് കാലാവസ്ഥാ വകുപ്പ്. ഇന്ന് (വെള്ളി) അര്ദ്ധരാത്രി 12 മണിക്ക് നിലവില് വരുന്ന വാണിങ് ശനിയാഴ്ച അര്ദ്ധരാത്രി 12 മണി വരെ തുടരും.
ഇതിനു പുറമെ Cavan, Donegal, Connacht, Longford എന്നീ കൗണ്ടികളില് ശനിയാഴ്ച അര്ദ്ധരാത്രി 12 മണി മുതല് ഞായറാഴ്ച അര്ദ്ധരാത്രി 12 മണി വരെ യെല്ലോ റെയിന്/സ്നോ വാണിങ്ങും നിലവില് വരും.
ശക്തമായ തണുപ്പിനെ തുടര്ന്ന് കാലാസ്ഥാ വകുപ്പ് നേരത്തെ രാജ്യമെങ്ങും യെല്ലോ ലോ ടെംപറേച്ചര്/ഐസ് വാണിങ്ങും നല്കിയിട്ടുണ്ട്. ഇന്ന് (വെള്ളിയാഴ്ച) രാത്രി 9 മണിക്ക് നിലവില് വരുന്ന വാണിങ് ശനിയാഴ്ച രാവിലെ 10 മണി വരെ തുടരും.
അതേസമയം ഡബ്ലിന്, വിക്ക്ലോ എന്നീ കൗണ്ടികളില് ഇന്ന് പുലര്ച്ചെ 2.36 മുതല് നിലവില് വന്ന യെല്ലോ റെയിന് വാണിങ് പകല് 12 മണിക്ക് അവസാനിച്ചിരുന്നു. ഡബ്ലിനില് പെയ്ത ശക്തമായ മഴയില് Clongriffin-ലെ ഒരു അപ്പാര്ട്ട്മെന്റ് കാര് പാര്ക്ക് വെള്ളത്തിലായി. നിരവധി കാറുകളും വെള്ളത്തിനടിയിലായിട്ടുണ്ട്. Rush-ല് നിന്നും Lusk-ലേയ്ക്കുള്ള റോഡും പ്രളയത്തിലായി.
ഡബ്ലിന് എയര്പോര്ട്ടിലേയ്ക്കുള്ള ചില റോഡുകളില് വെള്ളം കയറിയതിനെ തുടര്ന്ന് രാവിലെ വാഹനങ്ങള് വഴിതിരിച്ചുവിട്ടിരുന്നു. അതേസമയം പ്രളയം വിമാന സര്വീസുകളെ ബാധിച്ചിട്ടില്ല.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW
Comments