അയർലണ്ടിലെ സെന്റ് മേരീസ് ഇന്ത്യൻ ഓർത്തഡോക്സ് ഇടവകയിൽ യെൽദോ പെരുന്നാൾ ശുശ്രൂഷകൾ നടന്നു

പോര്‍ട്ട് ലീഷ്: മലങ്കര ഓർത്തഡോക്സ് സഭയുടെ യുകെ, യൂറോപ്പ്, ആഫ്രിക്ക ഭദ്രാസനത്തിന് കീഴിൽ അയർലണ്ടിലെ പോർട്ട് ലീഷിലെ സെന്റ് മേരീസ് ഇന്ത്യൻ ഓർത്തഡോക്സ് ഇടവക യെൽദോ പെരുന്നാൾ ശുശ്രൂഷകൾ നടന്നു.

ഡിസംബർ 24 ബുനാഴ്ച നടന്ന യെൽദോ പെരുന്നാൾ ശുശ്രൂഷകൾക്ക് ഇടവക വികാരി റവ. ഫാ. ജിത്തു വർഗ്ഗീസ് മുഖ്യകാർമികത്വം വഹിച്ചു. ജനനപ്പെരുന്നാൾ ശുശ്രൂഷകൾ, പ്രദക്ഷിണം, തീജ്വാല ശുശ്രൂഷ, വിശുദ്ധ കുർബാന, ക്രിസ്മസ്‌ സന്ദേശം എന്നിവയ്ക്കുശേഷം സ്നേഹവിരുന്നോടെ ചടങ്ങുകൾ പൂർത്തിയായി. യേശുവിന്റെ തിരുപ്പിറവിയുടെ മനോഹരമായ പുനരാവിഷ്കരണം ആയ തീജ്വാലയുടെ ശുശ്രൂഷക്ക് ഇടവകയിലെ എല്ലാ വിശ്വാസികളും പങ്കെടുത്തു.