€10 മില്യൺ നിക്ഷേപം പ്രഖ്യാപിച്ച് ഐറിഷ് ഐ.ടി. കമ്പനി ഓക്സിലിയൻ, ഒപ്പം 30 പുതിയ തൊഴിലവസരങ്ങള്‍

ഐറിഷ് ഐ.ടി. കമ്പനിയായ ഓക്സിലിയൻ €10 മില്യൺ നിക്ഷേപം പ്രഖ്യാപിച്ചു. അയര്‍ലണ്ട്, UK എന്നിവിടങ്ങളിലെ ഓഫീസ്-സ്റ്റാഫ്‌ വിപുലീകരണമാണ്‌ കമ്പനി ലക്ഷ്യമിടുന്നത്. യുകെയിലും അയര്‍ലണ്ടിലും ഉള്ള പൊതു, സ്വകാര്യ സ്ഥാപനങ്ങൾക്കായി ഐ.ടി. സേവനങ്ങൾ നൽകുന്ന കമ്പനി ആണ് ഓക്സിലിയൻ.

വർഷംതോറും കമ്പനിയുടേയും സെയിൽസ് ടീമിന്റേയും പ്രവർത്തനങ്ങളിൽ 30 പുതിയ ജോലി അവസരങ്ങൾ സൃഷ്ടിക്കുമെന്നും കമ്പനി അറിയിച്ചു.

ഓക്സിലിയന്റെ പുതിയ നിക്ഷേപത്തിൽ വർക്‌പ്ലേസ്‌ ആർട്ടിഫിഷ്യൽ ഇന്റലിജൻസ് (AI) സേവനങ്ങളിലും അവസരങ്ങൾ ഉണ്ടാകും.

കമ്പനിയുടെ നിലവിലുള്ള സ്റ്റാഫിന് പ്രൊഫഷണൽ ഡവലപ്പ്മെന്റ്, അപ്പ്സ്കില്ലിംഗ് എന്നിങ്ങനെ കൂടുതൽ അവസരങ്ങൾ നൽകുന്നതിനും പണം നിക്ഷേപിക്കുമെന്നും കമ്പനി അറിയിച്ചു.

ക്ലയന്റുകൾക്കുള്ള സേവനങ്ങൾ മെച്ചപ്പെടുത്താനും, പ്രോസസ് മോഡേർണൈസേഷൻ, ഡാറ്റ മാനേജ്മെന്റ്, ഓട്ടോമേഷൻ, AI തുടങ്ങിയ മേഖലകളിൽ കൂടുതൽ നൂതന സാങ്കേതികവിദ്യകൾ ഉൾപ്പെടുത്താനുമായി ഓക്സിലിയൻ ഉദ്ദേശിക്കുന്നു.

കമ്പനിയുടെ സേവനങ്ങള്‍ കൺസൾട്ടിംഗ്, പ്രോജക്റ്റ് മാനേജ്മെന്റ്, പ്രോജക്റ്റ് ഡിലിവറി, ഡിജിറ്റൽ സേവനങ്ങൾ, മാനേജ്ഡ് സേവനങ്ങൾ എന്നിവയാണ്.