അയര്ലണ്ടിലെ ഏറ്റവും പ്രായം കൂടിയ വ്യക്തികളിലൊരാളായ Kitty Jeffrey നിര്യാതയായി. കോര്ക്ക് യൂണിവേഴ്സിറ്റി ഹോസ്പിറ്റലില് വച്ചാണ് 109-കാരിയായ കിറ്റി വിടവാങ്ങിയത്. ഇവരുടെ കുടുംബാംഗങ്ങള് മരണസമയം കൂടെയുണ്ടായിരുന്നു.
ഇക്കഴിഞ്ഞ നവംബറില് കോര്ക്കിലെ Midleton-ന് സമീപം Knocksatukeen-ലെ വീട്ടില് വച്ചാണ് കിറ്റി തന്റെ 109-ആം ജന്മദിനം ആഘോഷിച്ചത്. മക്കള്, കൂട്ടുകാര്, ബന്ധുക്കള് എന്നിവരുടെ സാന്നിദ്ധ്യത്തിലായിരുന്നു ആഘോഷം.
കൗണ്ടി കോര്ക്കിലെ Glenville-യില് 1914 നവംബര് 12-ന് ഒന്നാം ലോകമഹായുദ്ധകാലത്താണ് കിറ്റി ജനിച്ചത്. പില്ക്കാലത്ത് കര്ഷകനായ George Jeffrey-ലെ കിറ്റി വിവാഹം ചെയ്തു. ആനി, ജോര്ജ്ജ്, നോര്മന്, ഐവര് എന്നിങ്ങനെ നാല് മക്കളാണ് ദമ്പതികള്ക്ക്.
തന്റെ അമ്പതാം വയസില് കിറ്റി ഡ്രൈവിങ് പഠിച്ച് വാഹനമോടിക്കാന് ആരംഭിച്ചിരുന്നു. പ്രദേശത്തെ Irish Countrywomen’s Association (ICA) സ്ഥാപകരില് ഒരാളുമായിരുന്നു കിറ്റി.
1986-ല് ഭര്ത്താവായ ജോര്ജ്ജ് മരിച്ചു. അത്രയും കാലം ഭര്ത്താവിനൊപ്പം സന്തോഷത്തോടെ കഴിഞ്ഞ കിറ്റിക്ക് വലിയ ആഘാതമായിരുന്നു മരണം.
അയര്ലണ്ടില് ജീവിച്ചിരിക്കുന്നവരില് ഏറ്റവും പ്രായം ചെന്ന മൂന്നാമത്തെ ആളായാണ് കിറ്റിയെ കണക്കാക്കിയിരുന്നത്.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW